KANDINSKY OLÍMPICO

Unha das últimas actividades que fixo o alumnado de 5º consistiu en coñecer a figura e obra de Wassily Kandinsky, o gran pintor do século XX. Como non podían ser doutra forma. as nosas nenas e nenos fixeron a súa propia interpretación incluíndo, como non, elementos deportivos e relativos ás olimpíadas. 

Estes foron os resultados!

Sodes uns artistaz@s!

SALVAMENTO E SOCORRISMO II

 O alumnado de 6º curso de Primaria realizou a segunda xornada de Salvamento e Socorrismo do programa XOGADE, esta vez xunto a cinco colexios máis, na praia fluvial do Lérez.

Moitísimas grazas!

AS OLIMPÍADAS DA MODERNIDADE

Durante este curso, o alumnado e os/as profes de 5º estivemos traballando no PDI "As Olimpíadas dan moito xogo" e descubrimos unha chea de información curiosa sobre os Xogos Olímpicos. Aprendemos cando comezaron a celebrarse, que probas inclúen cada un deles ou mesmo que non é o mesmo Olimpíada que Xogos Olímpicos. 

Por iso, decimos plasmar todas estes datos nun gran mural que une as dúas aulas, no que colocamos os carteis representativos de cada olimpíada. Para facelo, tivemos que tomar medidas, repartir os espazos... Este foi o resultado!

Ademais, decatámos de que non houbo sedes en todas as edicións, o que nos levou a investigar sobre isto. Descubrimos que as Guerras Mundiais foron as causantes polo que o plasmamos co noso propio cartel no que se pode ler: "o mundo esquece os valores olímpicos".

Excelencia, amizade, respecto! Sempre con nós os valores olímpicos!

SAÍDA DE FIN DE CURSO

O pasado xoves 23 de maio, as nenas e os nenos foron de excursión a Vigo para gozar dunha xornada de convivencia. A primeira parada foi "Humor amarillo" onde tiveron que realizar distintas probas nas que o pasamos en grande.

Despois de repoñer forzas, visitaron a praia de Samil onde fixeron diferentes actividades e xogos deportivos. 

Pasámolo xenial!!!!

NOVA SESIÓN DE SALVAMENTO E SOCORRISMO

O alumnado de 6º de Primaria visitou a piscina de Campolongo en Pontevedra na mañá de onte para disfrutar da segunda xornada de Salvamento e Socorrismo grazas ao Clube de Salvamento e Socorrismo de Pontevedra (SAPO) e ao Programa XOGADE.

Moitas grazas!

 

SALVAMENTO E SOCORRISMO

 Este luns, día 29 o alumnado de 6º recibíu a primeira sesión de salvamento e socorrismo no noso centro, impartida polo Club SAPO de Pontevedra.

 

 

 

 

 

Moitísimas grazas!

AS MASCOTAS OLÍMPICAS

No trimestre pasado, o alumnado de 5º aprendeu moitísimo sobre os seres vivos. Co gallo do proxecto sobre os Xogos Olímpicos, aventurámonos a investigar e a recrear distintas mascotas olímpicas dos últimos anos... Escollemos a que máis nos gustaba e puxémonos mans á obra. Estes foron os resultados!!

🐶🏀🐸Vaia artistaz@s temos en 5º! Parabéns polo voso traballo! 🐼🏊🐵

DRAGÓNS 6

Onte, 22 de abril, o alumnado de 6º de Primaria, grazas ao Programa Xogade, desfrutou dunha xornada de Piragüismo-Dragóns no embalse do Pontillón do Castro xunto con outros centros.

Como colofón da saída tivemos a sorte de coincidir coa medallista olímpica e recente clasificada para competir nos xogos olímpicos de París, Teresa Portela, que remataba a súa sesión de adestramento e accedeu gustosamente a sacarse unha foto con nós.

Pasámolo xenial!

Moitísimas grazas!!

PRACTICAMOS PIRAGÜISMO

Na soleada e calorosa mañá de onte, o alumnado de 5º de Primaria gozou da primeira xornada da actividade de Piragüismo-dragóns no Río Lérez.

Moitísimas grazas! 

 

SEMANA DA PRENSA... OLÍMPICA!!!

A semana do 4 ao 8 de marzo conmemoramos a Semana da Prensa. Durante esa semana, as nenas e os nenos de 5º convertéronse en auténticas e auténticos xornalistas e puxeron en práctica as súas dotes como entrevistadores/as e redactores/as! Para iso, analizamos as partes, resumimos e elaboramos noticias deportivas...

 

 

 O máis divertido resultou que nos entrevistámonos e coñecémonos un pouquiño máis entre as dúas clases! Vimos que os deportes nos unen moito! 

🏇🏃🏊 Pasámolo xenial! Viva a prensa! 🏀🎿🎾