A CARRASQUIÑA

Moito gozou FINA CASALDERREY coa nosa interpretación da carrasquiña ! E nós, como podedes ver, pasámolo en grande cantando e movéndonos cara a arriba e cara a abaixo, danzando en parellas, xirando e ofrecendo, como boa xente que somos, un bico e un abrazo a quen está ao noso carón. 

Moitos bicos e abrazos para ti, Fina, que estarás sempre no noso corazón !

 

VISITA DE FINA CASALDERREY

O encontro con Fina Casalderrey foi o colofón de luxo para o proxecto "Escribir e ler para ser competentes" no que estivemos a traballar durante todo o curso, partindo da súa obra Ás de mosca para Anxo. 

Moitas grazas, Fina, polas túas palabras, pola túa presenza e, sobre todo, polo teu ánimo !!  

Es un modelo para tod@s nós !!

(Pinchade na imaxe para acceder a máis información)

A CARRASQUIÑA

En "Ás de mosca para Anxo" ten moita importancia a expresión e recepción de sentimentos positivos. De modo que, na clase de música, non dubidamos en poñelos en práctica cantando, danzando e, sobre todo, divertíndonos coa Carrasquiña. Esta danza pertence ao grupo de xogos de roda e bailes de Galicia que se facían nas rúas ou en momentos de descanso do traballo cotián. Como é moi doada préstase para que grandes e pequenos gocen de igual xeito. Mirade que ben o fan @s nos@s compañeir@s:

 

ABRIL DE LIBROS

Resumo das moitas actividades desenvolvidas no colexio neste mes "Abril de libros":

O MEDO

En "Ás de mosca para Anxo" sae a relucir o medo. Nas nosas vidas tod@s o sentimos algunha vez ; @s alumn@s de 5º tamén e expresárono dun xeito ben fermoso:

UN SECUESTRO É...

No libro de Fina Casalderrey, "Ás de mosca para Anxo", sae o tema do secuestro. @s artistas de 6º A reflexionaron e plasmaron as súas ideas, tal e como podedes ver.
E para ti, que é un secuestro?

MOSCAS

Dentro do proxecto "Ás de mosca para Anxo", alumn@s de 5º ilustran e expresan pensamentos e sentimentos en prosa e en verso partindo do tema "Se eu tivese ás...":

BICOS

Traballo elaborado pol@s alumn@s de 5º enmarcado no proxecto "Ás de mosca para Anxo" de Fina Casalderrey: