SALVAMENTO E SOCORRISMO II

 O alumnado de 6º curso de Primaria realizou a segunda xornada de Salvamento e Socorrismo do programa XOGADE, esta vez xunto a cinco colexios máis, na praia fluvial do Lérez.

Moitísimas grazas!

NOVA SESIÓN DE SALVAMENTO E SOCORRISMO

O alumnado de 6º de Primaria visitou a piscina de Campolongo en Pontevedra na mañá de onte para disfrutar da segunda xornada de Salvamento e Socorrismo grazas ao Clube de Salvamento e Socorrismo de Pontevedra (SAPO) e ao Programa XOGADE.

Moitas grazas!

 

SALVAMENTO E SOCORRISMO

 Este luns, día 29 o alumnado de 6º recibíu a primeira sesión de salvamento e socorrismo no noso centro, impartida polo Club SAPO de Pontevedra.

 

 

 

 

 

Moitísimas grazas!

XOGADE INTERCENTROS EN PONTEVEDRA

Hoxe, máis de 250 rapaces e rapazas de 5º de Primaria de 7 colexios da zona de Pontevedra, xuntámonos para disfrutar xogando e aprendendo fóra das aulas.

O noso alumnado practicou: Baile moderno, Orientación, Loita Olímpica, Xogos Populares, Primeiros Auxilios e, ademais, coñeceron o taller móbil dun equipo de ciclismo de primeiro nivel.

Unha saída xenial!!!

XOGADE INTERCENTROS EN SALCEDO

O alumnado de 5º de Primaria pasou unha mañá xenial, repleta de xogos e convivencia, co alumnado do CEIP Cabanas - Salcedo. Esta actividade está enmarcada dentro do programa Xogade.

 

Graciñas por ser tan bos anfitrións!

XORNADA DEPORTIVA EN BARRO

O alumnado de 6º nivel de Primaria do noso centro recibiu a pasada semana a visita dos compañeiros e compañeiras de nivel do CEIP San Andrés de Xeve dentro das actividades programadas no Programa XOGADE. Reuníronse no Pavillón polideportivo para gozar todos e todas dunha completísima xornada de convivencia deportiva.

 Ata  pronto!!

A RODA DOS ALIMENTOS

O alumnado de 5º curso de Educación Primaria estivemos informándonos sobre o tema da alimentación e descubrimos que alimentos son saudables e cales non.

Decidimos facer unha roda dos alimentos a partires da información que fomos investigando e ao final confeccionamos uns bonitos manteis. 

Quedaron estupendos!!!!!!

Obradoiro prevención.

O alumnado de 6º participou nun interesante programa de Entrenamento en Habilidades Sociais e nun obradoiro de Prevención dos riscos e mitos do alcol e tabaco, promovidos polo Concello e impartidos pola psicóloga Julia Búa.

Esperamos que esta información recibida lles sirva para tomar conciencia das consecuencias que estas drogas poden causar nas súas vidas.

Moitísimas grazas a Julia por facer estes obradoiros tan interesantes!

A IMPORTANCIA DE LAVAR BEN AS MANS

Hai uns días, cando empezabamos a escoitar iso do coronavirus, na clase de quinto decidimos facer un pequeno experimento sobre se era importante ou non lavar as mans. Cada un dos equipos tivo varias opcións: lavar as mans co xabón que temos na casa ou co que leva alcol, poñer as mans no chan, pasar as mans pola mesa... Despois disto, puxemos os dediños nunhas placas de laboratorio que tiñan unha xelatina e apuntamos o que metemos dentro.

Diariamente fomos apuntando se aparecía algo ou non.

O resultado final foi este!!!

Chegamos á conclusión que o xabón do cole (o mesmo que temos na casa) é o máis efectivo para a loita contra os microorganismos como os virus e as bacterias.

Así que todas e todos a lavar as mans con frecuencia!!!

CREAMOS UN MENÚ SAUDABLE!

Rematamos o proxecto sobre a alimentación coa creación dun gran menú saudable entre 5º e 6º curso.

 

Para elaboralo, reunímonos na Biblioteca e puxemos en común as nosas "comidas" saudables, baseándonos nas compras que realizamos na saída a Eroski. 

    

 Ao final, fixemos unha foto coa nosa gran pirámide dos alimentos.

SAÍDA A EROSKI

O xoves pasado as mozas e mozos de 5º e 6º de Primaria fixemos un percorrido por un coñecido supermercado co fin de buscar produtos saudables. Ademais, como tiñamos un presuposto, aprendemos a comparar prezos e a valorar as cantidades que precisabamos.

Pasámolo en grande!!!

Moitísimas grazas!!!

ATLETISMO EN PONTEVEDRA

Hoxe, as alumnas e alumnos de 5º de Primaria, participamos en Pontevedra nunha xornada de atletismo en pista organizada pola Secretaría Xeral para o Deporte da Xunta de Galicia nas instalacións do CGTD (Centro Galego de Tecnificación Deportiva).

As modalidades atléticas nas que participamos foron:

• Velocidade 60 metros lisos.
• Fondo 500 metros
• Relevos 4x60
• Salto de lonxitude
• Lanzamento de peso
• Lanzamento de vórtex

Case todas as compañeiras e compañeiros puidemos facer dúas destas probas e, a pesar de non contar coas condicións meteorolóxicas ideais, a participación pódese calificar de excelente e, o que é mellor:

Pasámolo xenial ! ! !

TERCEIRA SESIÓN DOS TALLERES DE HABILIDADES SOCIAIS E PREVENCIÓN DE DROGODEPENDENCIAS

CHEGOU A HORA DOS COMBINADOS DE FROITAS!!

A pasada semana o alumnado de 6º divertímonos moito na última sesión do taller de habilidades sociais e prevención de drogodependencias impartido por Julia Búa.

Elaboramos diferentes combinados con froitas de tempada, auga, zume e sirope.

Encantounos! Estaban boísimos e ademais son moi sans!!

SEGUNDA SESIÓN DOS TALLERES DE HABILIDADES SOCIAIS E PREVENCIÓN DE DROGODEPENDENCIAS

Onte, 7 de novembro, os chicos e chicas de 6° de Primaria tivemos a segunda sesión dos talleres de habilidades sociais e prevención de drogodependencias que Julia Búa está a desenvolver co alumnado do noso colexio.

Comezamos a sesión como náufragos escollendo tres obxectos que nos axudarían a sobrevivir nesa illa na que agora nos atopamos.

A continuación, traballamos en grupos e descubrimos como outras persoas inflúen nas decisións que tomamos. 

Por iso é tan importante defender as nosas crenzas e valores ante a presión grupal e buscar entre todos e todas a mellor solución aos nosos problemas.

Tamén falamos sobre as drogas e, en concreto, sobre o tabaco e os efectos nocivos, tanto inmediatos como á larga, que pode ter na nosa saúde. 

Estas sesións están resultando tan interesantes que estamos desexando que chegue a próxima. 

Que nos terá preparado Julia para a vindeira semana?? 

TALLER DE HABILIDADES SOCIAIS E PREVENCIÓN DE DROGODEPENDENCIAS

Hoxe, 6 de novembro, o alumnado de 6° de Primaria recibiu a Julia Búa, técnica en prevención de drogodependencias, que durante varias sesións vai desenvolver connosco un taller de habilidades sociais e prevención de drogodependencias.

Comezamos cubrindo nun cadrado aspectos positivos de cada un de nós, que nos serviron para presentarnos a Julia e para dármonos conta que, ás veces, é máis sinxelo dicir cousas positivas d@s nos@s amig@s ca de nós mesm@s.

A continuación falamos das habilidades sociais e dos tres tipos básicos de comportamento (pasivo, activo e agresivo).

Julia demostrounos dun xeito práctico como, en ocasións, algo tan sinxelo como pedir un bolígrafo a un compañeiro ou compañeira pode facernos sentir ben ou mal dependendo da contestación que recibamos, e relacionando esta situación cos tres estilos de comunicación.

Para rematar esta primeira sesión introdutoria, presentounos unha situación dun naufraxio e tivemos que escoller tres obxectos que nos axudarían nesa illa que agora nos atopamos.

Estamos desexando que volva mañá...

Foi moi interesante!!

CLAUSURA DOS TALLERES DE HABILIDADES SOCIAIS E PREVENCIÓN DE DROGODEPENDENCIAS

     Hoxe, @s alumn@s de 5º tivemos con Julia o último taller de Habilidades Sociais. Tiñamos que debuxarmos a nós mesm@s e @s compañeir@s tiñan que describirmos cunha condición: soamente podían dicir cousas positivas.

     Foi chulísimo ! Se educamos a nosa mirada para aprender a ver o bo que teñen @s demais, será máis sinxelo levarmos ben, a vida pareceranos máis bonita e seremos moitísimo máis felices.

     Como era o último día, achegáronse á nosa aula Abraldes, o alcalde, e Rafa, o director. E, como tiñan interese en saber o que fixeramos ao longo de todas as sesións, falamos con eles do que lemos, debuxamos, escribimos e debatemos sobre as emocións, a autoestima, a empatía, o respecto ás diferenzas ou como solucionar problemas dun xeito pacífico.

    Os talleres estiveron xeniais. Logo de cada unha das sesións, sentiámonos como máis alegres. Claro que axudou moito o feito de que Julia é moi simpática e cariñosa, e explica as cousas moi ben.

MOITÍSIMAS GRAZAS ! ! !

     En 6º traballamos con Julia cuestións como o valor da autoestima, os tipos básicos de comportamento (pasivo, positivo, agresivo), a importancia de relacionarmos dun xeito positivo (que é o saudable) evitando comportamentos pasivos ou agresivos, a presión grupal (saber dicir "non"), a resolución pacífica de conflitos ou os riscos do alcol e do tabaco para a saúde física e mental.

     Julia animounos sempre a falar e a participar. A verdade é que tod@s colaboramos a tope e, tamén, rimos moitísimo. Sobre todo hoxe que, por ser a última, tivemos unha sesión especial. 

     Distribuídos en catro grupos, elaboramos cócteles (sen alcol, claro), seguindo as instrucións de Julia. Sentiámonos coma se estiveramos en MasterChef.

     Foi sensacional ! Por dúas razóns principais:

1. Era o cumpre de Pilar, a nosa titora. (Que ben o celebramos !)
2. Viñan Abraldes, o alcalde, e Rafa, o "dire", pois querían probar os nosos cócteles e falarmos do importante que é saber divertirse sen fumar nin beber alcol.

    Antes de despedirmos, brindamos á saúde de tod@s: "Chin, chin".

MOITÍSIMAS GRAZAS ! ! ! 

     Nota para Julia: Se les isto, que saibas que esperámoste ver no Instituto. 

INAUGURACIÓN DOS TALLERES DE HABILIDADES SOCIAIS E PREVENCIÓN DE DROGODEPENDENCIAS

     Hoxe inauguráronse no colexio os talleres de Habilidades Sociais en 5º e Prevención de Drogodependencias en 6º, promovidos polo Concello en cooperación coa Consellería de Sanidade.

     Ao longo de catro sesións semanais, a psicóloga Julia Búa traballará co alumnado aspectos tan importantes como a autoestima, a empatía, a intelixencia emocional, o bullying, a presión grupal, o uso seguro de Internet ou a sensibilización sobre os riscos do consumo do alcol e do tabaco.

     O obxectivo é claro: Contribuir á saúde e benestar d@s nos@s chic@s e das persoas coas que se relacionan.