SAÍDA AO ECOPARQUE ATALAIA

O primeiro día de xuño, o alumnado de 5º e 6º realizou unha saída didáctica ao Ecoparque Atalaia para gozar dun día de convivencia e aprendizaxe neste lugar ubicado nunha contorna natural de bosque caducifolio á beira do río Lérez.

Tras o traxecto en bus, o primeiro que tiveron que facer foi orientarse para chegar ao lugar e coller moitas forzas para a aventura que ían ter por diante. Unha vez repartidos en grupiños mesturados por idades, comezaron as actividades: paintball, kaiak polo río, tirolina e xogos ao estilo do Grand Prix. 

 🌳🏊 Queredes ver o ben que o pasamos? Dentro video! 🌳🏊

SAÍDA AO TEATRO: "UNBOXING ALICE"

Hoxe, martes 3 de febreiro, o alumnado de 5º e 6º de Educación Primaria acudiu ao auditorio de A Fundación para ver a obra de "Unboxing Alice". A obra narrada integramente en inglés busca "renovar" a historia de "Alicia no país das marabillas", engadindo elementos tan actuais como os Youtubers ou os videoxogos.

Aprendemos un montón de cousas e pasámolo en grande!  🐰🎭

PROGRAMA "MISTURA" E VISITA AO MUSEO

O martes 4 de novembro o alumnado de 5º e 6º de Primaria participou no programa de teatro para escolares de Afundación chamada "Mistura". Esta obra é un espectáculo audiovisual con música en directo que nos invita a poñer en práctica os nosos sentidos.

Tras a visita, fixemos unha paradiña para merendar na Praza da Ferrería e visitamos o 5º edificio do Museo Provincial de Pontevedra. Alí fixemos un percorrido polas estancias, facendo unha parada especial na Sala de Castelao, con motivo do seu ano. 

SAÍDA Á ILLA DE ONS

O venres 23 de maio o alumnado de 5º e 6º realizou unha saída didáctica á Illa de Ons para gozar dun día de convivencia e aprendizaxe neste singular paraíso que da Ría da Pontevedra. 

Despois de coller o bus, o primeiro que tiveron que facer foi esperar pacientemente ao barco que os levaría de paseo pola ría.

Unha vez que chegaron á illa, repuxeron forzas e as estupendas guías fixéronlles unha rota na que explicaron datos moi interesantes. Sabiades que os habitantes de Ons non teñen luz todo o día pero si un gran faro que alumea toda a ría? Coñeciades as especies da flora e da fauna propias da illa? Pois eles/as son uns auténticos expertos e expertas!

Despois de comer, estiveron xogando na praia. A pesar das queixas de que estaba algo fresquiña a auga, case todas e todos acabaron metidos nela! 

O paseo de volta tamén foi espectacular e ata a tripulación do barco puxo música. En resumo, 

🏝🛥 pasámolo xenial! 🌞🏖

SAÍDA DE FIN DE CURSO

O pasado xoves 23 de maio, as nenas e os nenos foron de excursión a Vigo para gozar dunha xornada de convivencia. A primeira parada foi "Humor amarillo" onde tiveron que realizar distintas probas nas que o pasamos en grande.

Despois de repoñer forzas, visitaron a praia de Samil onde fixeron diferentes actividades e xogos deportivos. 

Pasámolo xenial!!!!

XOGADE INTERCENTROS EN PONTEVEDRA

Hoxe, máis de 250 rapaces e rapazas de 5º de Primaria de 7 colexios da zona de Pontevedra, xuntámonos para disfrutar xogando e aprendendo fóra das aulas.

O noso alumnado practicou: Baile moderno, Orientación, Loita Olímpica, Xogos Populares, Primeiros Auxilios e, ademais, coñeceron o taller móbil dun equipo de ciclismo de primeiro nivel.

Unha saída xenial!!!

DE AVENTURA POR MARÍN

Para despedirmos o curso, o alumnado de 5º de Primaria fomos de excursión a Marín. Pola mañá, fixemos unha andaina fantástica, visitamos os petróglifos de Mogor e xogamos na praia.  Pola tarde,  no Ecoparque de Marín, vivimos unha experiencia súper emocionante en contacto coa natureza. Divertímonos a tope nas tirolinas e percorremos unha chea de circuítos de aventura, situados nas copas das árbores.

PASÁMOLO XENIAL ! ! ! 

VIAXE A CORTEGADA

As mozas e mozos de 6º de Primaria fixemos unha viaxe de fin de curso á illa de Cortegada, que está situada ao fondo da ría de Arousa, frente ao pobo de Carril. Cortegada é un dos grandes tesouros naturais das Rías Baixas, a máis pequena do Parque Nacional das Illas Atlánticas pero a que ten un dos bosques de laurisilva máis grandes de toda Europa. 

Para chegarmos a Cortegada, fomos en bus dende o colexio ata Carril. Alí, exploramos e investigamos na praia a pracer. Ao encher a marea, collemos unhas lanchas e, en menos que canta un galo, xa estabamos todos pisando a illa. Fixemos unha ruta guiada chulísima! Ademais de enterármonos dunha chea de cousas sobre a súa Historia, lendas e costumes, escoitamos o canto dun montón de paxariños diferentes, gozamos co recendo deste gran "bosque flotante" e ata puidemos bañármonos e todo. 

Unha viaxe inesquecíbel ! ! !

De que cor é un lapis cor carne?

A mellor forma de combater a discriminación, a intolerancia e o racismo é facer coñecer e comprender ao noso alumnado que a diversidade é unha riqueza esencial para a convivencia. 

Estes días, na aula de 6º curso, estivemos vendo, en Valores e na Hora de ler, temas relacionados  co racismo para logo crear este fermoso recanto.  Esperamos que vos guste.

#STOPRACISMO

PLANTÁMOSLLE CARA AO ACOSO ESCOLAR!

      Co gallo do Día Internacional contra o Acoso Escolar (2 de maio), as mozas e os mozos de 5º de Primaria fan público o seu rexeitamento total a este problema escolar. 

Por un mundo mellor!

# VIOLENCIA ZERO

Alumnado de 5º e 6º de Primaria do CEIP Amor Ruibal e alumnado do IES de Barro asistimos onte, na Nave da Música do Concello, a unha actividade do programa Mulleres en Acción. Violencia Zero da Deputación de Pontevedra.

  

Primeiro, vimos un vídeo con diferentes intervencións educativas relacionadas coa violencia contra as mulleres, que son o 52% da poboación.

Logo, mozas e mozos do público saímos ao escenario para ler en alto datos do Ministerio do Interior sobre a violencia machista e as agresións sexuais rexistradas no 2018 e no que levamos do 2019. Impactounos terriblemente!!!

Foi moi interesante o momento en que Teresa Búa e Antón escolleron a rapaces e rapazas para lles pór saias. Deunos a risa pero tamén nos fixo pensar que, ao igual que as mulleres levan pantalóns, por que os homes non poden levar saia?

A performance gustounos moito porque nela estabeleceuse a diferenza entre a realidade, tal e como a vivimos, e o ideal, como nos gustaría vivir. Todas e todos temos os mesmos dereitos na teoría, pero na práctica, non. Nós, as mozas e mozos, somos, como ben dixo o alcalde, o futuro e queremos vivilo con igualdade, liberdade e respeto.

Conseguirémolo ! ! !

Pontevedra Viva recolleu así a noticia:

https://pontevedraviva.com/xeral/53071/violencia-zero-propone-juventud-barro-dejar-lado-roles-genero/

VISITAMOS O INSTITUTO

   Hoxe, as mozas e mozos de 6º fomos visitar o noso futuro centro: o IES, onde nos estaban esperando os compañeiros e compañeiras de 1º da ESO, que xa estudaron antes no noso colexio. 

   Eles saben ben como é o cambio á Secundaria e guiáronnos moi ben polas instalacións do instituto. Vimos aulas de música, matemáticas, informática, laboratorio, ... así como o patio e pavillón, entre outros espazos.

    Participamos un anaco nun xogo que facían na aula-materia de matemáticas e quedamos uns minutos compartindo o recreo coas futuras compañeiras e compañeiros.

  

     Foi toda unha experiencia!! Vémonos en setembro para unha nova etapa da nosa vida!!

Alumnado de 6º de Primaria. 

DANZA CONTRA A VIOLENCIA DE XÉNERO.

O alumnado de 5º e 6º de Primaria, xunto con alumnado do IES de Barro, asistimos o pasado 24 de abril a unha actividade de danza contemporánea que leva por título A solas, creada e protagonizada por Amparo Novas coa música de Myriam Cortizo. É unha coreografía para sensibilizarmos contra a violencia machista e a favor da igualdade de xénero.

A actividade, promovida polo Concello de Barro, tivo lugar na Nave da Música e enmárcase dentro do programa "Mulleres en Acción: Violencia Zero" da Deputación de Pontevedra.

Podemos ler a nova na prensa:

https://www.lavozdegalicia.es/noticia/pontevedra/2018/04/25/danza-reivindicativa-amparo-novas/0003_201804P25C11998.htm

25N: REFLEXIÓNS

     Estes días estivemos traballando nas aulas de 5º e 6º o tema da violencia en xeral e da violencia contra as nenas, as chicas e as mulleres en particular.

     Reflexionamos e puxemos por escrito as nosas conclusións, desexos e declaracións de intencións que iamos compartir con todas as persoas que acudiran á concentración do 25N no patio de Infantil do colexio e que son as seguintes:

• Solucionemos as cousas falando.
• Respectemos por igual a nenos e nenas, chicos e chicas, homes e mulleres.
• Cando maltratas a unha nena, chica ou muller deixas de ser home.
• Se non che gusta ser maltratado, non maltrates a ninguén. E, se te maltratan, denuncia para que non volva ocorrer.
• Se atopas alguén a quen amar, por que maltratar?
• Amar de verdade é ben tratar.
• Vence o teu medo: Non cales o teu sufrimento.
• A educación é a vacina contra a violencia.
• Trata ás demais persoas como queiras ser tratado. O respecto é a base para unha boa vida.
• Se che pos nervioso, cala. Cando esteas tranquilo, fala e busca unha solución pacífica e razoable.
• Nada bo vén xamais da violencia.
• Non importan as diferenzas; todos e todas temos os mesmos dereitos, soamente hai que respectalos.
• Para todas as nenas, chicas e mulleres maltratadas eu lles digo: Non vos caledes ! Hai silencios que matan.
• Non por ser neno ti es máis ca unha nena.
• Non importa o aspecto da xente por dentro nin por fóra. Sé ti mesmo, sé ti mesma e aprende a dicir que non.
• Abrazar non fai dano a ninguén.
• A violencia no colexio, na familia, no traballo e no mundo é a arma dos covardes. Eu opto por ser valente, e ti ?
• Unha persoa é libre sempre de elixir. Vive e deixa vivir.
• Non sufras inutilmente por amor. O amor é dador de vida, xamais a quita.
• Falar as cousas é ir polo bo camiño.
• Por favor, non pegues. Fala ! ! !
• A violencia non soluciona os problemas. A violencia xera máis violencia e, polo tanto, máis problemas.
• O meu desexo é que un día non teñamos que concentrarmos neste día. Será o sinal de que a violencia contra as mulleres haberá desaparecido.

     E, coas nosas propias mans, decoramos unhas pancartas reivindicativas que iamos portar na concentración:

     EN BARRO, Á VIOLENCIA DE XÉNERO DICÍMOSLLE : STOP 

EL CAZO DE LORENZO

Montaxe audiovisual do libro "El cazo de Lorenzo" de Isabelle Carrier:

YEAR OF THE RAT

O valor dunha aperta:

EL CIRCO DE LA MARIPOSA

Curta gañadora de varios premios como "The Doorpost Film Project", que promove a difusión dos valores humanos:

 

FÓRMULAS DE CORTESÍA

As fórmulas de cortesía varían segundo as circunstancias e os interlocutores: