ENTREVISTA A "OS DA RÍA"

     

     Nós, @s alumn@s de 5º, preparamos unhas preguntiñas para facerlles a Tomás Lijó (Fabián Santomé) e a Suso Alonso (Suso Pián) do grupo "OS DA RÍA" o día da entrega do VII Premio MIMI. Con tal motivo, mantivemos un emocionante encontro con eles e responderon moi gustosos a todas as nosas inquedanzas. 

• Como decidistes cambiarvos os nomes?  Por timidez. Como Fabián, non tiña vergoña, pero como Tomás Lijó, si. Entón, decidimos cambiar os nomes para que cadrasen coa súa personalidade.

• Se tivésedes que escoller unha canción para adicarlle ao rei, cal sería?  Elixiríamos Infanta Elena porque ten relación coa familia. E se tivéramos que compoñer unha, chamaríase Felipe VI ou Felipito.

• As vosas familias están dacordo coas vosas profesións?  Primeiro, o meu pai non estaba dacordo que fose por letras porque naquel momento as ciencias estaban mellor consideradas. E cando empecei a cantar pensou que ía deixar os estudos, pero logo decatouse de que non.

• Cando erades xóvenes, gustábavos a música?  Si, moito.

• Antes de adicarvos á música, que faciades?  Eu (Tomás Lijó) estudaba xornalismo na universidade; e eu (Suso Alonso), coa vosa idade xa tocaba o "pián".

• Onde formastes o grupo?  En Santiago, porque era alí onde estudiabamos.

• Contades con axuda para compoñer as cancións?  Non. Contamos só coa nosa capacidade.

• Por que lle puxestes ese nome á banda?  Ten que ver co grupo "Los del Río", porque somos moi parecidos. Eles defenden Andalucía e nós, Galicia. E ademais en Galicia hai moitas rías.

• Antes de formar a banda, coñeciádevos?  Arturito e Fabián si, na facultade. Despois coñecimos a Suso na Sala Nasa e, ao través del, fomos coñecendo a todos os demais.

• Como se vos dou por facerlle unha cantareliña á Infanta Elena?  Fixémoslla porque parécenos ridículo que, por formar parte da familia real, sexa máis importante. E na canción é coma se fose calquera de nós. Escollémola a ela porque é a única desa familia que non ten problemas.

•  Cal foi o premio máis importante que recibistes?  O Premio MIMI, porque é o que máis nos emocionou e é unha experiencia única e moi importante.

• Canto tempo vos leva compoñer unha canción?  Hai algunhas que só tardamos un minuto porque son moi repetitivas. Por exemplo: Infanta Elena, Se me dan a escoller un país ou Chin chin polo borrachín. Algunha vez grávome no coche e mándolla a Suso.

• En que vos inspirades para escribir as cancións?  En todo, sobre todo nas nosas vivencias, nas nosas experiencias. É unha razón para facer cancións cómicas.

• Cal foi a cantareliña que máis vos custou facer?  Foi Bicos, bicos. Tanto nos custou que aínda non a temos de todo feita.

• Como decidistes formar unha banda?  En realidade, non o decidimos, só queriamos facer música e, sobre todo, defender o "galegueiro".

• Fixestes algunha canción sobre a vosa vida?  Non, porque a nosa vida non nos parece moi interesante como para facer unha canción.

• Cal foi a primeira canción que fixestes? A primeira canción que fixemos foi Infanta Elena.

• Cando erades pequenos, gustábavos ir á escola?  Non moito, porque non tivemos a sorte de que nos tocaran unhas profesoras tan divertidas . . . Pero, ao final, iamos contentos porque entendiamos que tiñamos que ir.

• Actuastes algunha vez fóra de Galicia?  Non, bueno . . . só unha vez durminos en Portugal. Pero temos ganas de facer unha xira por Cataluña.

     Logo da entrevista, fixemos unha sesión fotográfica ao "George Bush".

     ¡ ¡ ¡ Que paveros ! ! ! 

     ¡ ¡ ¡ MOITÍSIMAS GRAZAS ! ! !