04/06/16

ENTREGA DO VIII PREMIO MIMI A PÁRAMO PICTURES

     O pasado venres, 30 de maio, @s chic@s de 5º subímonos ao escenario do Salón da Biblioteca do Concello para conducir o acto da entrega do VIII Premio MIMI. 


     Celia e Dani, con moita valentía, non dubidaron en coller o micrófono para facer a presentación:


     O primeiro que fixemos foi cantar e bailar o Rap da lingua de Migallas cunha coreografía creada por nós.


     Logo de recordar @s premiad@s en categorías anteriores, chegou a hora de que Daniel Moreiras e Iván Capón, de Páramo Pictures, recollesen o seu merecido premio. María Portero non puido vir pero estivo igualmente con nós nas súas cancións.

   Diego foi o encargado de entregar a fermosa talla de madeira realizada polo artista local de proxección internacional, Fran Rodríguez Remiseiro, baseada no debuxo da ex alumna Aroa Outón.


    Para celebralo, que mellor que cantar con eles esas letras tan cheas de humor e retranca. 
     Pero antes de empezar, invitamos a subir ao escenario a Brais, un neno de Infantil, que se converteu rapidamente nun fan incondicional e aprendeu axiña as súas cancións. Que pasada !


     A primeiriña que interpretamos foi Préndeme o boi que nos "chifla" a tod@s.


     Logo rendémoslle homenaxe a Vou estalar, por ser a primeira parodia musical coa que se deron a coñecer.


     O público, formado por todo o alumnado e profesorado do centro, estaba totalmente entregado; o Salón de Actos vibraba enteiro de tanta enerxía concentrada que alí había. Tamén contamos cunha representación do IES de Barro, xa que foron eles os que propuxeron a súa candidatura.



    Como o público coreaba con forza, OUTRA!! OUTRA!! OUTRA!!, agasalláronnos coa Bertolina
        Foi todo un espectáculo ! 
   A pesares de que tiñan unha apertada axenda, non dubidaron en someterse a unha intensiva sesión fotográfica con todos e cada un dos cursos. Por suposto, non podiamos faltar nós nin @s compañeir@s de 6º, que tanto nos animaron:



      Foi un día que quedará gravado para sempre na nosa memoria e no noso corazón.

      SODES GRANDES !

      MOITOS PARABÉNS E MOITAS GRAZAS !


     Se premedes no enlace do blogue da nosa Biblioteca poderedes ver un vídeo e máis imaxes do evento. Disfrutádeo !




    

Ningún comentario:

Publicar un comentario

VISITAS