VISITA AO COMPOSTEIRO COMUNITARIO

     O composteiro comunitario de Barro está situado en San Antoniño, ao lado do Centro de Saúde e moi preto do noso colexio. Serve para botar nel os restos orgánicos que xeramos nas casas ou nos xardíns e obter compost, que é o mellor abono natural que podemos ter.

     Como @s compañeir@s de 6º foron alí dúas veces e viñeron encantados co tema nós, @s alumn@s de 5º, tiñamos moitas ganas de visitalo. Así que o xoves 15 de decembro, guiad@s polas mestras Susana e Claudia, atravesamos a Praza do Viño (onde reparamos na escultura en pedra dun barril coa inscrición "Viño de Barro 1994") e, en menos que canta un galo, chegamos ao noso destino.

   Quique, o mestre composteiro de Barro, agardaba por nós para explicarmos algunhas cousiñas sobre o proceso da compostaxe. E tomamos boa nota de todo o que dixo.

    Fixámonos que no recinto hai outros contedores. Así é ben fácil colaborar na recollida selectiva de lixo:

• Amarelo: Para plásticos e latas.
• Azul: Para papel e cartón.
• Verde claro (máis pequeno): Para aceite usado.
• Verde escuro: Para outros restos (non orgánicos).

     Nos arredores do composteiro hai un xardín chulísimo grazas ao traballo duns alumnos de Príncipe Felipe. Unha compañeira preguntou polo nome dunha planta que lle chamou a atención e, claro, como somos moi curios@s, quixemos saber o nome de todas. Quique tivo a paciencia de nolo dicir comentando algunhas das súas características máis destacadas. Ás veces (a maioría das veces), Quique repetía ou tiña que deletrear as palabriñas porque, a dicir verdade, non sabiamos ben como escribilas. Ao final, quedounos unha lista así de longa: Grevillea, Loropetalum, Prostanthera, Polygala, Heuchera, Pitosporo, Calluna, Westringia, Laurel japonés, Skimmia, Pieris, Junípero, Eriostemon, Campanula, Azalea, Alecrín e Malus domestica (maceira).

     Preciosas todas elas ! Cando medren e florezan ha de estar todo ben bonitiño !

     Antes de despedirmos de Quique, fixémonos unha foto con el.

     PASÁMOLO XENIAL ! ! !

     MOITÍSIMAS GRAZAS, QUIQUE, E ATA A PRÓXIMA ! ! !