Hoxe, 20 de decembro, no ximnasio do colexio estivemos a ver unha exhibición de taekwondo co mestre Iván Pita , que foi varias veces campión de taekwondo de Galicia e 4º posto no Campionato de España e agora é mestre do ximnasio Área Go Fit, de Barro.
Participaron cinco alumnos do centro (Martín, Iván, Gabriel, Sabela e Nicolás, practicantes xa deste deporte) e amosáronnos unha serie de patadas combinadas, ataques de puño e combate.
A continuación, fixemos nós unha fila, para poder realizar os movementos que acababan de ensinar.
Na despedida invitáronnos a dúas clases gratis, de proba, para saber se nos gustaría ser uns campións e campionas de taekwondo como o mestre Iván.
Alumnado de 6º.
Ningún comentario:
Publicar un comentario