AS NOSAS SENLLEIRAS

QUEREMOS UN MUNDO VERDE.

CEIDA: ENSINÁNDONOS A FACER COMPOST

   Hoxe, 18 de xaneiro, Luz Gómez (enxeñeira forestal), de Horta Agrelo en Bueu, en colaboración co CEIDA e a Deputación Provincial de Pontevedra, dentro do programa "Revitaliza" de compostaxe, veu darnos un interesante obradoiro.

 Achegámonos ao patio do cole onde Luz tiña alí preparado un composteiro para montar e os ingredientes para facer compost, que anotamos no noso caderno para non perder a receita:

                                                RECEITA PARA FACER                                                                                    COMPOST:

-1ª capa de restos leñosos grosos.
-2ª capa de restos verdes (herbas, hortalizas,...) e orgánicos (sobras da comida).
-3ª capa de estruturante (ramiñas, cortizas,...).

 
Fíxonos a comparación de que facer compost é como facer a masa dun pastel: fai falta auga e remexer semanalmente os ingredientes para que chegue á temperatura de 40 graos centígrados aproximadamente.

  
   Se non se fai ben o proceso, poden xurdir problemas como: dá mal cheiro e énchese de mosquitos, porque precisa máis estruturante; que está moi seco, pois botamos auga na mestura e remexemos; que ten moita auga, fai frío de máis e non van os bichos amasar, polo que non fermenta, pois engadimos unha capa extra de estruturante.
   A masa ten que estar no seu punto: nin moi húmida, nin moi seca. Así obteremos o noso propio compost para a vindeira plantación.

COMPOST

   E así é o compost, o mellor abono e o máis natural, para que a nosa horta sexa saudable e de primeira calidade.                      
   Animádevos a compostar nas vosas casas!!

                                                   Alumnado de 5º e 6º

HORTA ESCOLAR

O noso centro participa este ano no programa Voz Natura co proxecto "Horta escolar". Así que @s nos@s alumn@s, ben equipados con botas e ferramentas, puxéronse mans á obra e plantaron cítricos dos que esperamos obter limas, kumquats, limóns, pomelos, laranxas e tanxerinas.
Mmmm! Que menú máis refrescante para as nosas merendas!
Bo traballo chic@s!

NACEMENTO DUN CARBALLO

Así nace e medra un carballo durante os seus primeiros oito meses:

 

PARTES DUNHA FLOR

Seguriño que acertades cáles son as partes dunha flor no seguinte esquema:

¿AS PLANTAS TEÑEN INTELIXENCIA?

O botánico italiano Stefano Mancuso fala do comportamento intelixente das plantas:

MINIATLAS XEOBOTÁNICO DE GALICIA

Interesante recurso para coñecer aspectos variados da xeobotánica galega: vexetación, hábitats e espazos protexidos: