As mozas e mozos de 6º de Primaria fixemos unha viaxe de fin de curso á illa de Cortegada, que está situada ao fondo da ría de Arousa, frente ao pobo de Carril. Cortegada é un dos grandes tesouros naturais das Rías Baixas, a máis pequena do Parque Nacional das Illas Atlánticas pero a que ten un dos bosques de laurisilva máis grandes de toda Europa.
Para chegarmos a Cortegada, fomos en bus dende o colexio ata Carril. Alí, exploramos e investigamos na praia a pracer. Ao encher a marea, collemos unhas lanchas e, en menos que canta un galo, xa estabamos todos pisando a illa. Fixemos unha ruta guiada chulísima! Ademais de enterármonos dunha chea de cousas sobre a súa Historia, lendas e costumes, escoitamos o canto dun montón de paxariños diferentes, gozamos co recendo deste gran "bosque flotante" e ata puidemos bañármonos e todo.
Data: 1 de xuño de 2018. Destino: Illa de Cortegada. Actividade: EXCURSIÓN FIN DE CURSOOOOOO!!
Xa nos tardaba!. Chegou o día e alá fomos!. Saímos do cole a primeiriña hora e pronto chegamos á ría de Arousa: a Carril, porto do que partimos cara Cortegada (coordenadas 42º 37' 4.8'' N e 8º 47' 2.4'' O).
Esta illa é a máis grande dun arquipélago enmarcado dentro do Parque Nacional das Illas Atlánticas, no que entrou o 13 de xuño 2002. Ten unha superficie de 2´5 km2 e dista 189m da costa. Antigamente chamaban o "Camiño do carro" a un paso que se facía por terra cando baixaba a marea e, por el, a xente chegaba camiñando ata o pobo. Din que aínda hoxe é por onde aproveitan pasar os xabaríns que baixan do monte para ir ata a illa alimentarse.
Cortegada estivo habitada ata 1907, ano no que foi donada ao rei Alfonso XIII para facer unha residencia de verán, que non se chegou a construir e quedou como coto de caza privado do monarca.
Tras varios procesos de expropiación, venta e plans varios para a illa, foi finalmente incluida dentro do Parque Nacional das Illas Atlánticas e así, espazo protexido. Hoxe é o maior bosque de laurisilva de Europa e unha das escasas illas verdes, polo que se gaña o nome de Bosque flotante.
Fomos a Cortegada nunhas lanchas moi rápidas e unha vez alí puidemos ver as ruinas do pobo, dunha igrexa con cruceiro e escoitar moitos paxaros distintos.
Camiñando polo seu bosque tamén atopamos algún resto de ósos de animal e unha árbore "comepedras", da que unha monitora nos contou a súa lenda.
Merendamos, xogamos, paseamos, comemos e bañámonos ao longo da xornada. Houbo tempo para todo antes de ter que embarcar cara Carril e coller o autobús de volta ao colexio.
Foi un gran día para rematar o curso e, os nenos e nenas de 6º, despedirnos do centro.
