Este luns, día 29 o alumnado de 6º recibíu a primeira sesión de salvamento e socorrismo no noso centro, impartida polo Club SAPO de Pontevedra.
Moitísimas grazas!
Amosando publicacións coa etiqueta VISITAS. Amosar todas as publicacións
Amosando publicacións coa etiqueta VISITAS. Amosar todas as publicacións
02/05/24
23/11/23
EXPOSICIÓN DE "PICASSO PROTAGONISTA"
O xoves 23 de novembro, o alumnado de 5º e 6º gozou dunha marabillosa exposición que tiña como protagonista a vida e obra de Picasso vista desde a óptica de diferentes artistas.
Complementaron a exposición cun obradoiro no que recrearon, de formas moi variadas, o que para el@s son as guerras. Fixeron as ilustracións tan realistas que ata lle puxeron son co Scratux!
.jpg)
E como non podía ser doutro xeito, fixemos unha paradiña no parque a repoñer forzas!
Aprendimos moitísimo e pasámolo xenial! 😊
15/11/23
XORNADA DEPORTIVA EN BARRO
O alumnado de 6º nivel de Primaria do noso centro recibiu a pasada semana a visita dos compañeiros e compañeiras de nivel do CEIP San Andrés de Xeve dentro das actividades programadas no Programa XOGADE. Reuníronse no Pavillón polideportivo para gozar todos e todas dunha completísima xornada de convivencia deportiva.
Ata pronto!!
03/05/23
PROXECTO: OLIMPIA, NON XOGAS?
O ALUMNADO DE 5º E.P. DA MATERIA DE PROXECTO COMPETENCIAL, LEVA TRABALLANDO UNS MESES NUN PROXECTO MOI BONITO SOBRE OS XOGOS NON OLÍMPICOS QUE SE TITULA "OLIMPIA, NON XOGAS?".
O ALUMNADO INVESTIGOU SOBRE OS INICIOS DOS XOGOS OLÍMPICOS, DOS SÍMBOLOS DAS OLIMPIADAS, QUE DEPORTES SE CONSIDERAN OLÍMPICOS E CALES NON... E, CENTRÁNDONOS NESTES ÚLTIMOS, BUSCARON INFORMACIÓN DE CALES ERAN OS MOTIVOS QUE OS LEVABAN A ESTAR FÓRA DAS OLIMPIADAS POÑÉNDOSE EN CONTACTO, INCLUSO, POR CORREO POSTAL, CON DISTINTAS FEDERACIÓNS PARA QUE LLES CONCRETARAN MÁIS OS MOTIVOS DE NON SER CONSIDERADOS OLÍMPICOS . E...
O XOVES PASADO, JUAN MIGUEL, DA FEDERACIÓN GALEGA DE RUGBY, TIVO A XENTILEZA DE VIR AO NOSO COLE A EXPLICARNOS PORQUE O RUGBY NON SE CONSIDERABA OLÍMPICO (AGORA HAI UNHA MODALIDADE QUE SI O É). TAMÉN FALOU DESTE MARABILLOSO DEPORTE QUE REÚNE VALORES TAN IMPORTANTES COMO O CAMPAÑERISMO, O RESPECTO E A SOLIDARIEDADE, ENTRE OUTROS.
E QUE XENEROSO FOI JUAN MIGUEL CON NÓS QUE NOS TROUXO UN VIDEO DE DÚAS XOGADORAS (VANESA RIAL E PAULA MEDÍN) DA SELECCIÓN ESPAÑOLA DE RUGBY 7 QUE, ADEMAIS, SON GALEGAS E COMPETIRON NOS XOGOS OLÍMPICOS DE RÍO DE JANEIRO NO 2016.
MOITÍSIMAS GRAZAS!!!
AQUÍ VOS DEIXAMOS UNHAS FOTOS DA SESIÓN.
29/04/23
OBRADOIROS REVITALIZA
As alumnas e alumnos de 6º de Primaria desenvolvemos dous obradoiros prácticos sobre compostaxe, no marco do Plan Revitaliza da Deputación de Pontevedra.
O primeiro, Microcompostaxe na aula, tivo lugar o pasado mes de marzo. Marcelo, mestre composteiro, achegouse ata as aulas de 6º A e 6º B para explicar cales son as cousas máis importantes sobre a compostaxe: que alimentos son os máis axeitados, como funciona un composteiro, que bechos contribúen á descomposición...
Logo, puxémonos mans á obra e construímos pequenos composteiros caseiros con materiais de refugallo. Xenial! Así, reciclamos dúas veces!
Estes composteiros quedaron nas nosas aulas para o seguimento do proceso nas seguintes semanas, segundo as indicacións do mestre composteiro.
O 25 de abril, Marcelo volveu visitarnos para impartir o segundo obradoiro titulado Quen vive aí?, que consistiu na identificación de invertebrados presentes no composteiro e a súa función no proceso da compostaxe. Buscámolos con moito coidado, observámolos con atención con lentes de aumento e vimos ata unha miñoca preñada! Que pasada!
A verdade é que aprendemos un montón!!!
Moitísimas grazas!!!
11/02/23
MUSEOS CIENTÍFICOS DA CORUÑA
O pasado mércores, 8 de febreiro, o alumnado de 5º e 6º curso de Primaria visitou os museos científicos da Coruña: o Acuario, o Domus, a Casa das Ciencias e o Planetario.
As mozas e mozos puideron ver, tocar, observar, escoitar, experimentar... a pracer.
Foi unha xornada de convivencia e aprendizaxe inesquecible.
Pasárono pipa!!!
22/02/22
DE MUSEOS POLA CORUÑA
O pasado luns, 14 de febreiro, o alumnado de 6º curso visitou na Coruña a Casa das Ciencias, o Planetario, o Domus e o Acuario.
As mozas e mozos puideron ver, tocar, observar, escoitar, experimentar... a pracer.
Foi unha xornada de convivencia e aprendizaxe inesquecible.
Pasárono xenial!!!
03/03/20
AS MÁXICAS PERSOAS DO NOSO CONCELLO
Con motivo do noso proxecto, viñeron ao cole unha representación das grandes persoas que viven nas seis parroquias de Barro. Faláronnos sobre as marabillas dos seus lugares de procedencia e sobre as súas voacións: a linguaxe universal da música e o doce son da frauta, a gran labor das docentes e dos docentes, a importancia de coidar os bosques e os animais, como se imaxinan e crean as esculturas e, mesmamente, sobre as non tan coñecidas variedades de uvas de Barro!
Ademais de todo isto, as mozas e mozos de 5º gardaremos sempre no noso corazón a grande ensinanza que nos destes:
o importante na vida é dedicarnos ao que nos gusta.
Moitísimas grazas Adrián Silva, Ana Cadavid, Gerino Calvo, Fernando Chao, Fran Remiseiro e Roberto Rivas por virdes!!!
Verdadeiramente sodes unhas persoas máxicas!!!
02/02/20
SAÍDA A EROSKI
O xoves pasado as mozas e mozos de 5º e 6º de Primaria fixemos un percorrido por un coñecido supermercado co fin de buscar produtos saudables. Ademais, como tiñamos un presuposto, aprendemos a comparar prezos e a valorar as cantidades que precisabamos.
Pasámolo en grande!!!
Moitísimas grazas!!!
01/07/19
EXCURSIÓN A CORUÑA
O alumnado de 5º e 6º de Educación Primaria realizamos a finais de curso unha bonita excursión á cidade de A Coruña para visitar os tres museos de ciencia interactiva: a Domus, o Aquarium Finisterrae e a Casa das Ciencias.
A nosa primeira parada foi a DOMUS, situada frente ás praias de Orzán e Riazor.
Como xa ven sendo tradición, xunto á escultura do ADN, feita con guías telefónicas, e cos nosos "ancestros" fixemos as fotos dos diferentes grupos.
A seguinte visita foi ao AQUARIUM FINISTERRAE, tamén chamado Casa dos Peixes.
Alí, divididos en dous grupos, percorremos as diferentes salas adicadas aos fondos mariños.
E incluso visitamos as piscinas exteriores, onde puidemos observar trece exemplares de focas, nove femias e catro machos.
O último destino desta viaxe foi a CASA DAS CIENCIAS e o seu Planetario, situada xunto ao Parque de Santa Margarida.
As máximas destes tres museos científicos son: "Prohibido non tocar", "Prohibido non sentir" e "Prohibido non soñar". Nós cumprímolas todas polo que, sen dúbida, o día 10 de xuño foi unha xornada intensa de convivencia e aprendizaxe.
Todo o que puidemos ver e experimentar pareceunos moi interesante; aprendemos moitas cousas e...
Pasámolo xenial !!!
Subscribirse a:
Publicacións (Atom)