UNIDOS NA DIVERSIDADE

No Día de Europa compartimos hoxe unhas imaxes produto do fantástico proxecto de investigación desenvolvido polo alumnado de 6º de Primaria sobre a historia da Unión Europea e os 27 países que forman parte dela.

UNIDOS NA DIVERSIDADE !

UN POBO TÍPICO DO NADAL

Dentro do proxecto "As familias contan", nas titorías de 6º curso solicitamos a colaboración das familias e do alumnado para decorar o corredor das nosas aulas neste tempo de Nadal.

Propuxémoslles que construísen diversas casas ou outros obxectos decorativos típicos dunha vila nestas datas navideñas.

A única condición que debían cumprir era que estivesen realizados con cartóns de leite baleiros. 

A resposta e participación das familias e alumnado foi masiva. Sirvan estas fotos para mostrarvos as magníficas aportacións que recibimos.

Moitísimas grazas, alumnado e familias de 6º curso,

 pola vosa creatividade e colaboración!!!

Bo Nadal e Felices Festas!!!

A VOLTA AO MUNDO EN 80 DÍAS

Este curso eliximos como libro de lectura "A volta ao mundo en 80 días" de Julio Verne e, traballando sobre el, realizamos un bonito Proxecto de lectura.

O libro permitiunos investigar algúns continentes e países polos que pasou Phileas Fogg, o protagonista. Ademais, creamos un pasaporte de viaxe no que iamos pegando os selos que certificaban o "paso" por cada país e no que debuxamos diferentes medios de transporte utilizados na viaxe.

Tamén nos gustou moito facer o maletín de viaxe cos correspondente selos. Quedáronnos moi bonitos!

Para rematalo, quixemos fotografarnos co protagonista e cos nosos maletíns de viaxe.

A verdade que este libro gustounos moito!

 

 

 

BARRO A TRAVÉS DO TEMPO

Durante este trimestre tan atípico, en 5º de Primaria investigamos sobre a historia do Concello de Barro e descubrimos cousas moi moi interesantes!

Esperamos que aprendades tanto coma nós!!!

Moitísimas grazas a todas as persoas que fixestes posible este vídeo!!!

FELIZ VERÁN ! ! !

POESÍA "LOITANDO CONTRA O COROAVIRUS"

Neste tempo de confinamento, dúbidas, aplausos nas ventás e aulas virtuais, o alumnado de sexto curso participou na elaboración dunha poesía na que cada quen aportou o seu gran de area.

Esperamos que vos guste!
#euquedonacasa

AS MENINAS XOGAN AO TRIVIAL EN BARRO

Na nosa viaxe virtual destes días, nas aulas de 6º de Primaria chegamos ao Museo do Prado, un dos tres museos do Triángulo de Ouro das Artes que se atopa en Madrid.

Un dos cadros máis visitados do Prado é "La familia de Felipe IV” de Diego Rodríguez de Silva y Velázquez, máis coñecido como "Las Meninas", que foi o centro das nosas tarefas e investigacións.

Unha das actividades que propuxemos ao alumnado para rematar o proxecto e facelo dun xeito máis lúdico, foi o xogo titulado "As Meninas xogan ao trivial en Barro".

Nel, as titoras de 6º curso e o profe Miguel do Programa Arco, deseñamos un taboleiro e unhas tarxetas con preguntas tipo trivial sobre o cadro, para que poidamos xogar en familia.

Podedes acceder ao taboleiro coas instrucións e as tarxetas no seguinte pdf:

DESCARGAR

Que o desfrutedes!!

Porque xogando tamén se aprende!!

#euquedonacasa

O PUNTILLISMO E A PRIMAVERA

A primavera é unha das estacións na que máis desfrutamos da paisaxe, porque hai máis horas de luz e podemos estar fóra, xogar e estar un pouco máis libres.

Sen embargo, esta situación de confinamento durante o estado de alarma non nos deixa desfrutar de todo destas sensacións.

Por iso, partindo dun vídeo sobre a técnica do puntillismo publicado en aulasgalegas.org propuxemos ao alumnado de 6º curso que debuxasen unha paisaxe de primavera utilizando esa técnica pictórica e que aproveitasen o debuxo para describilo e indicar que sensacións lle produce.

Estes son os resultados:

Tedes o traballo completo nesta publicación:

O PUNTILLISMO E A PRIMAVERA by Amor_Ruibal on Scribd

Que ben o estades facendo!! Sodes uns artistas e unhas artistas!!!

Moitísimas grazas

 polo voso esforzo, colaboración e interese

 por seguir aprendendo!!!

#euquedonacasa

POEMAS DESDE A FIESTRA

Os poemas son unha das mellores formas para reflectir o que sentimos. Por iso, o alumnado de 5º decidiu empregalos para expresar o que a coroavirus lles fai sentir.

Esperamos que vos gusten!!!

#euquedonacasa

DEIXANDO AS NOSAS PEGADAS

Foron moitos anos os que pasamos neste cole e, como non queremos marchar sen deixar as nosas pegadas, durante este curso de 6º, nas clases de Plástica, fixemos a decoración das cadeiras da biblioteca do cole e uns salvamanteis para as mesas nos que reproducimos cadros de pintores famosos.

Aquí vos deixamos unhas imaxes dos nosos traballos.

PROXECTO UNIÓN EUROPEA

Neste último trimestre, en 6º curso estivemos investigando sobre os diferentes países que compoñen a Unión Europea.

Primeiro, fixemos as bandeiras do país que nos tocou investigar coas que adornamos o noso corredor.

                          

  

Para a recollida de datos, seguimos un guión que nos facilitaron as nosas titoras Maika e Pilar e realizamos un traballo de investigación que deu como resultado unha guía turística.

Preme no seguinte enlace se queres botarlle unha ollada.

https://issuu.com/colexiodebarro/docs/uni_n_europea_6_

Ademais, para dar a coñecer as nosas investigacións, expuxémolas ante o alumnado de 5º curso.

E, como colofón deste proxecto, aprendemos e interpretamos, coa axuda e colaboración da profe Claudia, o Himno Europeo, que ten a súa orixe na Novena Sinfonía composta en 1823 por Beethoven, que decidiu poñer música á `Oda á Alegría´ escrita por Schiller en 1785.

A verdade é que aprendemos moito!

POEMAS DE MEDO

Durante o tempo do Samaín, o alumnado de sexto curso estivemos traballando os "poemas".

Neste caso cada un de nós compuxemos un pequeno poema de medo que vos ensinamos na seguinte recompilación:

AGARDAMOS QUE NON TREMADES DE MEDO!!

ENTREGA DO X PREMIO MIMI A MAMÁ CABRA

A entrega do X Premio MIMI tivo lugar o venres 26 de outubro na Nave da Música do noso Concello.

Este acto estivo a cargo de nós, o alumnado de 6º de Primaria, que fomos os responsables do proxecto no curso pasado.
Como é normal, os nervios de algúns e algunhas estaban a flor de pel. No escenario colocamos unha tarta especial (non era comestible!) para celebrar esta edición tan especial: Nin máis nin menos que a décima.

Na tarta pegamos fotos d@s nove premiad@s en anos anteriores: Ezequiel Mosquera, Xabarín Club,  Pili Álvarez, As Cantareiras de Ardebullo, Aíd, Sés, Os da Ría, Páramo Pictures e Migallas.

Tamén fixemos dous grandes cartaces sinalando, un deles, o nome do grupo gañador nesta edición, MAMÁ CABRA, e o outro, indicando a conmemoración do X aniversario do Premio.

Bailamos, cantamos e divertímonos moito moitísimo. Foi incrible interpretar o "Baile da Paz" e "A miña tía" con Tomi, Harry e Iago. Tocan que é unha auténtica pasada!
Na Nave resoaron a guitarra, o violín, a gaita, o bombo, os cascabeis e un instrumento que non coñeciamos, o ukelele baixo, que soa de marabilla!


Tamén, como non!, presentamos a nosa coreografía do "Rap da Lingua" de Migallas que xa adoptamos, dende a primeira edición, como o himno do Premio MIMI.

Un compañeiro disfrazouse de MIMI, a mascota da Biblioteca do noso cole, e gastamos unha broma facendo crer a todo o mundo que ese era o Premio. Que risa!!!

O auténtico Premio é unha bonita talla en madeira feita por Fran Rodríguez Remiseiro, artista local de proxección internacional.


Como encargad@s da organización, ademais de presentar o evento tamén colocamos e recollemos cadeiras e decoramos o local. Fíxonos moitísima ilusión! Pagou a pena. Quedamos moi content@s porque moit@s nen@s doutros cursos, nais e pais, e profesorado do colexio e do IES dixéronnos que lles gustara moito. 

MAMÁ CABRA incluso prestouse a facer fotos con todos e todas. Aqui podedes vérmonos a nós e as compañeiras e compañeiros de 5º:

VIVA MAMÁ CABRA!!!

VIVA O PREMIO MIMI!!!

O alumnado de 6º

Máis información no blog de MIMI:

https://oblogdemimi.blogspot.com/2018/10/entrega-do-x-premio-mimi.html

Mulleres imprescindibles galegas.

EXPOSICIÓN VOCES DE MULLERES

Rematamos o noso Proxecto Voces de Mulleres expoñendo as nosas  investigacións aos compañeiros e compañeiras do centro.

En 5º curso investigamos a Emilia Pardo Bazán (escritora), Susana Seivane (música) e Ángeles Alvariño (bióloga).

En 6º, investigamos a María Mariño (escritora), Antonia Ferrín Moreiras (astrónoma) e Cristina Castro (pintora)

Resumimos as imaxes neste vídeo:

Máis información sobre o proxecto no blog da biblioteca:

https://oblogdemimi.blogspot.com/2018/06/voces-de-mulleres.html

PARTICIPAMOS NA FESTA DA LINGUA

O venres 4 de maio, as alumnas e alumnos de 6º asistimos á Festa da Lingua de Terras do Umia. Foi na Azucreira de Portas. Nós participamos no Sondoumia coa canción Tecendo Voces, a nosa homenaxe a María Victoria Moreno. Ademais, o noso compañeiro Héctor decidiu presentarse ao Contaumia.

Tamén nenas e nenos de Infantil (aula de 5 anos A) e de 2º B do noso colexio foron recoller os seus premios nas categorías de Microcreacións e Micropoemas B.1, respectivamente.

Foi unha festa súper chula con moita xente e moitas actuacións: cancións, monólogos, lecturas, entrega de diplomas e agasallos. . . E todo para festexar a lingua galega e, como non, a María Victoria Moreno, a quen se lle dedica este ano o Día das Letras Galegas.

Foi moi emocionante actuar ante tanta xente ! 

Aplaudíronnos moito e nós aplaudimos moito tamén !

No blog de MIMI atoparedes máis información:

https://oblogdemimi.blogspot.com.es/2018/05/ix-festa-da-lingua.html

Aquí vos deixamos unhas imaxes de nós no escenario:

CANDIDATURAS X PREMIO MIMI AO PERSOEIRO DO ANO

Chegou o día!!

O alumnado de 5º de Primaria, responsable do Proxecto "Premio Mimi ao Persoeiro do Ano", presentamos as candidaturas ao X Premio Mimi.

Son as seguintes:

Queremos agradecer desde aquí a xenerosa colaboración das diferentes entidades e organismos que, ano tras ano, nos apoian coas súas propostas.

DÍA DA POESÍA

As alumnas e os alumnos de 5º e 6º recitamos no Día da Poesía os Micropoemas que creamos para participar no concurso convocado pola Coordinadora Comarcal de Equipos de Dinamización da Lingua Galega "Terras do Umia".

Un recital sensacional !

Micropoemas de 5º:

Micropoemas de 6º:

CREAMOS POESÍA

Con motivo do Día da Poesía, o alumnado de 6º decidimos crear os nosos propios poemas e plasmalos nun libriño.
Aquí vos deixamos a nosa obra esperando que vos guste.

O LADO DIVERTIDO DAS CIENCIAS

Este curso os nenos e nenas de 5º de Primaria estamos a traballar as Ciencias dun xeito diferente.

Neste trimestre traballamos o corpo humano a través da elaboración duns lapbooks (libros de solapas) dos sentidos.

Para elo:

• Recompilamos a información necesaria para saber cales son as partes de cada sentido.

• Completamos un debuxo coas partes máis importantes.

• Explicamos cal é o órgano do corpo que lle corresponde a cada sentido.

• Investigamos sobre como o corpo recolle esa información do exterior e como o órgano do sentido a envía ao cerebro.

• E, finalmente, cada un de nós elaborou un lapbook que recolle todo este traballo.

Tanto gusto lle collemos que, para completar o estudo do corpo humano, fixemos uns xogos dos ósos e músculos do corpo empregando etiquetas adhesivas que nos permiten aprender xogando cales son os ósos e músculos máis importantes.

ESTAMOS FEIT@S UNS E UNHAS ARTISTAS!!

OS NÚMEROS DO SISTEMA SOLAR

No primeiro trimestre o alumnado de 5º estivemos estudando o noso Sistema Solar.
Sabemos que está formado por estrelas, planetas, satélites, asteroides, meteoritos, estrelas fugaces,...
Pero...

TAMÉN TEN NÚMEROS!!

Os números do sistema solar de ceipbarro